上個星期我經歷左超幸運既事同半倒霉既事
想聽幸運先定倒霉先?? 講左好既先啦~~
話說...係某一日既下午...
首先theztyle打電話比我..話揀左我試用Neutrogena既body lotion同hand cream
呢2樣野都係我當時就黎用晒既野...
我本身都confuse緊買邊個牌子嫁啦
呢個試用簡直係黎得非常著時!!!
內有1支body lotion, 1支hand cream, 1對手套<<呢個好好呀, 唔洗自己買!!, 同埋1本leaflet
我本身好鍾意薰衣草既味道, 所以我應該會好好好鍾意呢支body lotion嫁!!
聽完TZ個電話之後唔夠15分鐘
到beautyexchange打比我啦!!!
我今日又被揀左去試用Melvita既植物油啦, 我試用呢隻係金盞花
可以舒緩敏感, 岩晒轉季既我呀~~~
可能有SIS會話1次過抽中2個試用都唔係好犀利
不過因為我已經好內好內冇被抽中過試用嫁啦
我又好內都冇更新個blog, 所以我都好多謝TZ, BE, Neutrogena同Melvita俾機會我呀
講完幸運既野...........點都要講倒霉嫁啦!!!
又唔算係十分倒霉既, 只不過.....有小小被搵笨既感覺
事源係我星期6去銅鑼灣換paul&joe同ipsa既samples啦
先比大家睇下換左返黎既samples既相先~~
有換過呢2份samples既sis應該知道咩事嫁啦...
係呀...IPSA俾左包舊版既metabolizer我, 但明明張coupon係話新個款嫁嘛
呢隻舊版我都用過啦, 我就係想試下新版好唔好用!!!
咁宜家姐係叫我唔好買佢既新款姐...
第2, P&J既眼霜samples無啦啦變左底霜-___-
我記得佢同我介紹D SAMPLES個陣都話係日夜眼霜
但我返到屋企先發現.......................
我覺得P&J可能真係唔小心俾錯左, 因為我睇其他SIS既眼霜SAMPLE同呢個底霜SAMPLE真係超級相似
不過IPSA.....我就唔肯定啦, 可能係因為舊版SAMPLE未派完, 之後又冇可能送比D客仔...
所以就搵我笨
呢件事既教訓就係每一次拎完SAMPLE都要睇清楚係咪真係自己想要個款! :)
黎緊, 我會打Neutrogena body lotion, hand cream同melvita既植物油既試用文.
記住捧場呀~
留言列表