怡 的 雜 記 (:

多謝 VICKE 比個機會我試呢系列產品先啦

今次試用既係Pure Beauty Super Brightening系列

我就會呢個系列既cleanser, toner同精華

PURE BEAUTY全新亮白凝肌護膚系列

揉合最新的美白科技，使美白效果更持久，讓肌膚變得更亮麗無暇。
該系列由韓國製造，經當地權威Korean Food & Drug Administration (KFDA) 認可，
同時產品均通過皮膚測試，為優質美白產品系列。

＊超過84%受訪亞洲女性滿意護膚效果           (借VICKE BLOG)

試用日數: 5天

怡皮膚需要美白既地方: 皮膚比較暗啞, 同埋有好多暗瘡印, 斑就唔係太明顯

先講講個SUPER BRIGHTENING MULTI CLEANSER先

呢支洗面膏起出黎既泡都好豐富, 配上起泡網好快就起到圖中綿密既泡泡

呢D泡泡按內左都唔會溶, 所以可以洗內一陣

而且佢裡面有小小紅色既粒子(圖片應該睇唔到, 因為粒子都比較細同少), 可以做到抗氧化既功效

洗面後唔會乾爭爭, 會feel到有小小保濕既感覺, 但我嫌佢洗得唔夠乾淨, 因為我之前一直都係用緊潔面皂嫁, 所以對潔面產品洗得乾唔乾淨好高要求嫁!

洗完面之後塊面好似白左好多咁, 好似洗晒D黃氣咁, 好bright, 之前用既潔面產品都好少做到呢個效果

第2件產品係SUPER BRIGHTENING TONER

佢係完全透明嫁, 不過佢既質地係有小小GEL狀既水, 姐係比較"杰"既水狀

我以拍打既方式搽上面, 好快就被皮膚吸收晒, 並且唔會lup

保水能力都非常高!!

之前我搽完爽膚水之後要用IPSA既保濕水先夠保濕, 但用呢個之後就唔洗再加保濕水啦~

第3件試用就係SUPER BRIGHTENING ESSENCE

呢支精華既質地係乳液狀, 好light, 圖中小小既份量都已經可以塗晒全面

好好推, 個質地好滑好smooth, 除左亮白功效外, 都可以做到適量既保水同滋潤

唔搽面霜就去訓教都唔會覺得乾

不過呢支精華既份量比較上少, 所以我淨係用到4天(早晚搽)

能夠試用既日子太短, 美白去印既功效都未能睇到, 不過明顯見到塊面係bright左, 特別係洗完面, 搽晒護膚品之後

除左我話cleanser洗得唔太乾淨之外, 我覺得呢系列既產品既香味都比較濃烈, 個人唔太鍾意太香既味道

不過呢套美白產品令我幾意外既係, 市面上有好多美白產品都會比較乾同刺激

我本身係痘痘肌就更加易會出現敏感, 但用呢套亮白產品之後暗瘡唔會生多左, 亦都唔會敏感或者有乾燥既現象

所以比較乾或者有小小敏感既SIS不妨都可以試試呢套產品!!