怡 的 雜 記 (:

上回講到我被BE x 曼秀雷敦抽中試用曼秀雷敦既暗瘡系列   (ref: 幾年後又重遇你.....)

經過9日黎既試用  我終於可以俾我既戰績大家睇啦!!

先俾2張試用前既相大家睇睇我既暗瘡嚴重到點先

 << 試用前既左邊面

  <<試用前既右邊面

救命!!我都有猶疑過好唔好擺上黎

我真係怕嚇親大家 

睇完D核突相就睇番D正常D嫁啦!

先睇睇曼秀雷敦暗瘡系列潔面乳既表現先.....

  << 請無視我雙核突手 -__-

每次大概用呢個份量, 再配合洗面網(冇計啦, 我手殘...)

就可以起到咁多好綿好有彈性既泡泡!

洗完面之後FEEL到好乾爽好乾淨

我試過幾次洗完面之後乜都唔搽  等左15分鐘左右

都唔會覺得乾同緊   屬上品洗面產品!

再睇睇曼秀雷敦暗瘡系列爽膚水既表現啦...

shake幾shake有倒出黎  係乳白色既水狀

有D控油粉末   搽左上面之後會涼涼地

吸收晒之後會摸到小小粉留係皮膚上  應該就係個D控油粉末啦

接著睇曼秀雷敦暗瘡系列潤膚乳液既表現...

超級稀身  好水!!

一搽上面會FEEL到好保濕  按下按下唔洗10秒  皮膚已經差唔多吸收晒D潤膚乳

之後就會好清爽  完全唔LUP

再加上佢有SPF15 防曬   如果當日我留係屋企我就唔會再加其他防曬霜

呢支乳液後面寫早晚使用

但如果我個晚會開冷氣既話  我會搽完呢支之後要再搽小小保濕cream

咁就OK嫁啦!!

最後就到曼秀雷敦暗瘡系列既暗瘡護理液既表現啦..

佢係金屬既圓頭   可以碌下碌下咁直接搽上暗瘡位到

佢既護理液係透明偏水狀  (唔洗大家睇唔睇到呢??)

呢支野唔會令皮膚變乾  比其他暗瘡膏優勝

但消暗瘡既效果就比較遜色啦  要KEEP住早晚塗3-4日左右  紅紅既暗瘡先開始慢慢退

講晒4款產品既表現啦!  比大家睇下試用後既實況啦!!

  <<試用後既左邊面

  << 試用後既右邊面

我撫心自問冇加工過冇化妝冇搞乜鬼閃光定唔知乜(因為我唔識相機既野-_-)

用左1星期多D  已經可以睇到面上紅紅既印同暗瘡退左好多  淡色左

可以係大家心目中  我試用既效果未必係好滿意  試用完之後既皮膚亦都仲係好差

但我已經滿足嫁啦!!

暫時(除非有其他野誘惑我啦) 曼秀雷敦暗瘡系列既洗面乳, 爽膚水同乳液都有好大機會係會回購既!

第一  佢價錢真係平  1套買晒都可以平過大家買1支洗面

第二  我細細個已經有用過佢  感覺上佢係比較適合我

第三  我已經試過無數咁多套其他牌子既暗瘡產品  效果只會係曼秀雷敦暗瘡系列既差唔多  又或者係比呢套差

YEAH!!再一次多謝BE同曼秀雷敦  比我再遇番呢套暗瘡產品!