close
本身對我有D認識既朋友都知道怡係一個超級油人
無論係面, 眼 定係身(姐係肥胖...) 都係油!!
上次就介紹過油眼用既眼線 ref: 油眼要扮靚?防水防油一定唔少得!!
今次就介紹下油面用既吸油產品啦!
好多人都話用吸油紙唔好 係因為會愈吸愈多油
我本身都冇乜點用吸油紙
但2個星期前 我在網上看到一段片 (唔好問我邊段..我唔記得左 )
佢就介紹MAC既blot powder
咁岩我個陣約左朋友出街 我好似撞邪咁 自動自覺乜都冇諗過就去左MAC敗左盒粉番黎啦!!
黑色既包裝 好型仔! 好PRO!(我唔PRO嫁!)
我係用MEDIUM DARK 佢好似淨係得3隻色(??)
不過MEDIUM DARK都唔會好深色 我覺得我用係岩岩好!!
佢附送一個卜仔 黑色個塊係皮黎嫁! 都幾舒服 不過我冇乜點用 因為我好少拎出街
我宜家好少化妝 通常只會搽防曬之後用萬寧既密粉掃 薄薄掃blot powder上面
佢既主要功能係控油 我都幾滿意佢既效果
10:00am左右上粉 大概到2點先開始有小小油光
平時冇用呢個powder 我到lunch就會開始有油嫁啦!!
除左控油之外 我搵唔到其他功能
不過我都滿意嫁啦!! 價錢又唔係貴 $180/盒
好大機會回購 (不過要用晒呢盒 都可能要到2012年啦!!)
全站熱搜
留言列表